امثالنا الجزائرية

ما تخلط روحك مع النخالة ما ينقبك الدجاج
اللي يبيعك بالفول بيعو بقشورو
الراعي و الخماس متعركين على تع الناس
اللي متغطي بتع الناس عريان
حط البرمة على فمها تطلع الانثى لامها
الجديد حبوا و لقديم لا تفرط فيه
الضيف ضيف شتاء ولا صيف
ضيف انهار نرفسلو و ضيف ديما واش نعملو
الاسم غالي و المربط خالي الرجال و الزمان ما فيهم امان
جا من تالي و قال امالي
البيت بيت بونا و جاو الغرب سحتونا
ساس الرمل لا تبنيه و طلعلو ساسو وليد الناس يكبر و يروح لناسو
البرمة و لقات اغطاها
لي حبك ما ابنالك اقصر و لي كرهك ما حفرلك اقبر
لسانك حسانك اذ صنته صانك و ان خنته خانك
شافها تبكي قالها نجوز بيك
انهار عرس اليتيمة حتى من العطار اهرب من المدينة
من دفنوه ما زاروه
انتبع الكذاب حتى باب الدار
كل شاة معلقة من رجلاهاخاص القرد غار الورد
خدماني في النصارى ولا قعداني اخصارة
ظربني وبكا اسبقني و شكى
لبخار الفم ليه اسواك الحار
العود اللي تحgرو يعميك
شكون يشكر لعروسة فمها ولا امها
gدامك امراية ومن وراك امقص
يا قاتل الروح وين اتروح
ما عافس على الجمرة غير مولاها
خوك خوك ولا يغرك صاحبك
خذ راي لي يبكيك و ما تخدش راي ليضحكك
ايسقسي على البسباس اشكون غرسو

شكرا على الامثال

ضيف انهار نرفسلو و ضيف ديما واش نعملو

ههههههه والله نموت عل الامقال و الحكم تاعنا كي يبداو العجائز تحكي نبقى غير نضحك هههههه يعجبوني

مرسي امورة على الموضوع القمة

مشكووووووره
على الموضوع

» معلومات في الكرة الجزائرية
» داليا شيح المترشحة الجزائرية باراب غوت تالنت تغني بالاندلسي في الجزائر
» داليا شيح الجزائرية تدهش الجميع في اراب غوت تالنت 2012 "arab got talent 2"